💥 LCB ची धडाकेबाज कारवाई: नेवासा येथील खुनाच्या प्रयत्नातील आरोपी २४ तासांत वाघोली (पुणे) येथून जेरबंद!
पोलीस अधीक्षक मुम्मका सुदर्शन यांच्या मार्गदर्शनाखाली स्थानिक गुन्हे शाखा व नेवासा पोलिसांची दमदार कामगिरी
नेवासा / अहिल्यानगर (विशेष प्रतिनिधी):
नेवासा येथील खुनाच्या प्रयत्नातील (Attempt to Murder) गंभीर गुन्ह्यातील फरार आरोपींना अवघ्या २४ तासांच्या आत स्थानिक गुन्हे शाखा (LCB) आणि नेवासा पोलीस पथकाने थेट वाघोली (पुणे) येथून मुसक्या आवळल्या आहेत. पोलीस अधीक्षक मा. श्री. मुम्मका सुदर्शन यांच्या थेट आदेश व मार्गदर्शनाखाली ही धडाकेबाज कारवाई करण्यात आली आहे.
📌 घटनेचा पार्श्वभूमी आणि गुन्हा:
दिनांक १० ऑगस्ट २०२६ रोजी जमील शेरू शेख व त्यांचे मित्र रस्त्याने जात असताना काटे महाराज आश्रम कमानीसमोर (नेवासा) येथे राम संजय शिरसाठ व त्याच्या साथीदारांनी जुन्या भांडणाच्या कारणावरून जमील शेरू शेख व त्यांच्या मित्रांवर तलवार, चॉपर, लाकडी दांडके, लोखंडी रॉड आणि दगडाने जीवे मारण्याच्या उद्देशाने प्राणघातक हल्ला केला होता.
या घटनेत जमील शेख व त्यांचे मित्र गंभीर जखमी झाले होते. याबाबत नेवासा पोलीस ठाण्यात गुरनं ६६१/२०२६ अन्वये भारतीय न्याय संहिता २०२३ चे कलम १०९(१), १८९(२), ११० सह शस्त्र अधिनियम कलम ४/२५ प्रमाणे गुन्हा दाखल करण्यात आला होता.
🚔 २४ तासांत कसा रचला जाळा?
गुन्हा घडल्यानंतर सर्व आरोपी फरार झाले होते. घटनेचे गांभीर्य ओळखून अहिल्यानगरचे पोलीस अधीक्षक मा. श्री. मुम्मका सुदर्शन यांनी आरोपींचा तात्काळ शोध घेण्याचे कडक आदेश दिले.
त्यानुसार स्थानिक गुन्हे शाखेचे पोलीस निरीक्षक श्री. संतोष मुटकुळे, नेवासा पोलीस ठाण्याचे पोलीस निरीक्षक श्री. प्रताप दराडे तसेच उपविभागीय पोलीस अधिकारी शेवगाव विभाग यांच्या संयुक्त पथकाने तांत्रिक विश्लेषण व गोपनीय बातमीदारांच्या आधारे तपास चक्र फिरवली.
दिनांक १२ ऑगस्ट २०२६ रोजी आरोपी वाघोली (पुणे) परिसरात लपून बसल्याची गुप्त माहिती मिळताच एलसीबी पथकाने तातडीने पुणे गाठले. पुणे ग्रामीणच्या स्थानिक गुन्हे शाखेच्या मदतीने वाघोली येथून ५ आरोपींना घेराव घालून ताब्यात घेतले.
⚖️ अटक करण्यात आलेले आरोपी:
१. लक्ष्मण संजय शिरसाठ (वय २७ वर्ष)
२. देविदास उर्फ राम संजय शिरसाठ (वय २४ वर्ष)
३. आदित्य भाऊसाहेब कनगरे (वय २१ वर्ष)
४. आकाश श्रावण चक्रनारायण (वय २० वर्ष)
५. एक विधिसंघर्षित बालक (वय १६ वर्ष)
(सर्व रा. संभाजीनगर, नेवासा फाटा, ता. नेवासा, जि. अहिल्यानगर)
अटक करण्यात आलेल्या सर्व आरोपींना पुढील कायदेशीर तपासासाठी नेवासा पोलीस ठाण्यात हजर करण्यात आले असून, नेवासा पोलीस या प्रकरणाचा पुढील सखोल तपास करत आहेत.
👏 पोलीस पथकाचे अभिनंदन!
ही धडाकेबाज कारवाई पोलीस अधीक्षक मा. श्री. मुम्मका सुदर्शन यांच्या सूचना व मार्गदर्शनाखाली:
पोलीस निरीक्षक: संतोष मुटकुळे (LCB), प्रताप दराडे (नेवासा)
सपोनि/पोउपनि: हरिश भोये, संदीप दरवडे, कृष्णकुमार सेदवाड, महेश डोंगरे
पोलीस अंमलदार: बाळासाहेब नागरगोजे, अरूण गांगुर्डे, अशोक लिपणे, किशोर शिरसाठ, गणेश धोत्रे, मनोज साखरे, बाळासाहेब गुंजाळ, अभिजित अरकल, रोहित येमुल, अमोल आजबे, फुरकान शेख, प्रशांत राठोड, महादेव भांड, ज्ञानेश्वर शिंदे, दत्तात्रय गव्हाणे या पथकाने यशस्वीरीत्या पार पाडली.
गुन्हेगारांवर वचक बसवणाऱ्या या जलद कारवाईमुळे पोलीस प्रशासनाचे नागरिक व परिसरातून मोठे कौतुक होत आहे.